BATA PA AKO, SIKAT NA SIKAT NA ANG BUREAU OF CUSTOM. IBA
ANG DATING KAPAG IKAW AY NAGTRATRABAHO SA SANGAY NA ITO NG ATING PAMAHALAAN.
MARAMI AKONG MGA KAKILALA, KAIBIGAN, KALARO, KAKLASE NA KUNG SAAN ANG KANILANG
MGA MAGULANG AT KAPATID AY PAWANG NAGTRATRABAHO SA “BUREAU OF CUSTOM”, SILA
YUNG MAYROONG MAGAGARA AT IMPORTED NA MGA LARUAN, MAY IBAT-IBANG PX GOODS,
TULAD NG ALAK, BLUE SEALS NA SIGARILYO AT SAMUT-SARING MGA DELATA AT MGA
TSOKOLATE. IBA RIN ANG MGA KASANGKAPAN AT KAGAMITAN NILA SA BAHAY. IMPORTED AND
KANILANG MGA KASUOTAN TULAD NG DAMIT AT SAPATOS.
KAILAN MAN AY DI SUMAGI SA AKING ISIPAN NA ANG MGA
KAGAMITANG ITO AY PUSLIT O PALUSOT. ANG BUONG AKALA KO NOON AY LUBHANG MALAKI
ANG SWELDO NG MGA TAONG NAGTATRABAHO SA “BUREAU OF CUSTOM” DAHIL DITO, KAYA
NILANG SUPORTAHAN ANG MALUHONG PAMUMUHAY. NANG AKO AY TUMUNTONG NG “HIGH SCHOOL”
NAG IBA ANG AKING PANANAW SA MGA KAWANI NG KAGAWARAN NG ADWANA O BUREAU OF
CUSTOM. DI KO NAMAN NILALAHAT SUBALIT KAPAG SINABING “TAGA CUSTOM YAN” KORAP O
TIWALI ANG KATUMBAS NA KAHULUGAN NITO.
SA MANIWALA KAYO SA HINDI TALAMAK ANG LAGAYAN AT PALUSUTAN
SA BUREAU OF CUSTOM. NAKABILI NA BA KAYO NG MURANG CELLPHONE, TELEVISION SET,
IMPORTED DENIMS, AT IBA PANG MGA IMPORTED NA PRODUKTO? LAHAT NG MGA ITO AY MGA “HOT
ITEMS O COMMODITIES.” MARAMI DING MGA “MAGICIAN” SA LOOB NG BUREAU OF CUSTOM,
SA ISANG KISAP-MATA KAYA NITONG PAGLAHUIN ANG MGA MAMAHALIN AT IMPORTED NA
SASAKYAN AT MALALAKING CONTAINER VANS NA NAGLALAMAN NG IBAT-IBANG KARGAMENTO.
NAKAKALUNGKOT MANG ISIPIN NA PARANG WALA NANG LUNAS ANG KORAPSYON SA SANGAY NA
ITO NG ATING PAMAHALAAN.
TILA MAYROONG SA DEMONYO ANG SANGAY NG KAGAWARAN NG
ADWANA, KAHIT SINO MANG MATINONG TAO ANG ILAGAY MO DITO AY NAHAHAWA SA BULOK NA
SISTEMA UMIIRAL DITO. ANG PINAKAHULING ANOMALYA KINASANGKUTAN NG BUREAU OF
CUSTOM AY ANG NAKAPUSLIT NA 600 KILOGRAM NG SHABU NA NAGKAKAHALAGA NG P6.4
BILLON NA NASAMSAM NG NATIONAL BUREAU OF INVESTIGATION SA ISANG WAREHOUSE SA
VALENZUELA CITY.
SA GALIT NG MARAMI, LALO NA NG MGA KAMAG-ANAK NG MGA
NATOKHANG NG ATING MGA KAPULISAN DAHIL LAMANG SA NAHULIHAN SILA MALIIT NA
SACHET NG SHABU AT ILAN DAANG PISO. NAIS NILANG MALIPOL LAHAT ANG MGA SANGKOT
SA PAGPUPUSLIT NG KONTRABANDONG ITO. “CORRECT ME IF I AM WRONG TO SUSPECT THAT THE
BIGGEST DRUG SYNDICATE IS OPERATING IN THE BUREAU OF CUSTOM.”
ANG INOSENTENG BATA NA SI KIAN DELOS SANTOS (SA MATA
NG BATAS) AY WALANG AWANG PINATAY NG MGA PULIS DAHIL SA BINTANG NA SIYA AY “STREET
PUSHER.” KUNG MASIGASIG SA PAGBABAHAY BAHAY NG ANG ATING MGA KAPULISAN DAPAT
LALO NILANG PAIGTINGIN ANG PANGANGALAP NG “INTELLIGENCE” AT MASUSING BANTAYAN
ANG PAGPASOK NG MGA ILIGAL NA DROGA SA ATING BANSA.
DAPAT ISA ALANG-ALANG NG MGA TAGAPAGBANTAY NG ATING
SEGURIDAD NA ANG MGA SANGKAP NG ILIGAL NA DROGA AY MULA SA IBANG MGA BANSA AT
ITO AY IPINUPUSLIT PATUNGO SA ATING BANSA KAYA’T MARAPAT NILANG PAG TUUNAN NG
PANSIN ANG ATING MGA BAYBAYING DAGAT AT MGA PALIPARAN. “KILL THE SOURCE OF
ILLEGAL DRUGS” KUNG PEDE LANG SAMPOLAN NINYO ANG TAGA BUREAU OF CUSTOM.
Comments
Post a Comment